من قدك ومن قدي يدك عانقت يدي

تعبت من (كيف حالك) لاتنشدني

بس أنت وشلون قلبك يابعد حالي

قل لي وش أخبار حبك لي .. وتسعدني

من خلقت الحب والغالي من الغالي

بجيك كلي مثل ماكنت عاهدني

واقول احبك معك .. واحبك لحالي

خذني لدنياك عني .. لين تبعدني

ماودي إني معك .. واطري على بالي .!!

ღ♥ღ

المسافه بيني وبينك طويله ..

والعشم فيني كبير .. بس مابيديني حيله !؟

لاني اللي نساك ،، ولاني قادر أجي لك

الصبر فيني قضا

والشوق أكبر وسيله ..

والعشم فيني كبير

وآآآآآه .. مابيديني حيله ..

ღ♥ღ

صورتك في عيني

وفي القلب طاريك

تعال شوف بدنيتي وش مكانك..؟

ان جيت كل دقات قلبي تحييك..

وأن رحت يكفيني بقايا حنانك..

أعاهدك ..

مايوم ممكن أخليك..

وماعاااش من ياخذ بقلبي مكانك..!

ღ♥ღ

انا قررت اعيش الحب حالة صمت وأهنابه

سمحلي ماسمحلي هو له اعذاره ولي عذري

تعبت من الحكي والبوح والتلميح ماجابه

فهمني مافهمني ماأسأله مايسأله صبري

بحبه واعشقه واطريه لو من ورى بابه

ذبحني يابشر واغليه ليته بالغلا يدري

يغيب وله بقلبي شوق اكبر منه ويزهى به

حضوره غايتي ومناي اضمه قبل لايسري

ღ♥ღ

في قلبي شي بقوله ،، وابي تسمعني للأخر

انا كل لحظه لك أوله ،، تعب قلبي وهو صابر

ابتقرب انا لديناك

وتصير عيونك اوطاني

واعيش احلى العمر وياك

وانسى بجنبك احزاني

ياكل مناي ،، وهنا دنياي

ابتهرب من احزاني .. وأعيش بقربك ازماني
وكل ماينتهي عمري بحبك ،، ينولد ثاني ..

ღ♥ღ

قالوا تحب ؟

وقلت انا القلب راضي

اعيش كل العمر اهواه واغليه ..

قالوا العقل ؟

قلت انا العقل قاضي

ياما حكم له وانا راضي واداريه ..

يازين من يهوى وهو كان راضي

يلمس لضى الجمره ولا خاف تكويه

ღ♥ღ

أهواك مابعمري الا هواك

ولا لي غالي سواك

واحبك وقلبي معاك

القاك وين مااروح القاك

وين مالتفت القاك

وين مااكون وياك

ياحب ياكل دفا الاحساس

يغنيني عن هالناس

ياشوق ما ينقاس ..

ღ♥ღ

اختفيت وما اختفى الا وجودك

ياحبيبي باقي مع ذكرك غلاك

اختفيت وماجرح قلبي صدودك

واعرف انا مافيه بقلبي سواك

لو تغيب ويندثر حلمي بعهودك

مايجي الشك في قليبي من هواك

ايه احبك واعشقك لأبعد حدودك

وتتعب الدنيا لجل تاخذ غلاك

ღ♥ღ

من قدك من قدي يدك عانقت يدي

استاهل انا ودك وتستاهل صفى ودي

بكل الحب بمدك في جزري وفي مدي
احبك واعشق جنونك وانت تعشق جنوني

واشوف الحب بعيونك يناجي الشوق بعيوني

ღ♥ღ

(الحب) كلمة تجمع قلوب ودروب

محتاجها قلبي وقلبك يبيها

غنيتها لعيونك السود بأسلوب
لو هي على أبيات الغزل ما انتهينا

غنيتها دبكه وعرضه ومسحوب

غني معي وان جاز لك موليها
تدرين انا شفتك نصيب ومكتوب

فرحة عمر تستأذنك تفرحيها

ღ♥ღ

أنت بس اللي احبه

أنت بس اللي أبي

أنت بس اللي بقربه

قلت ياحزن وش تبي

أنت بس اللي أحبه

ياحبيبي أنت

لوتحب اللي تحبه

ما أحب الا انت

ღ♥ღ

يستاهلك قلبي وتستاهل أكثر

ياحافظ حبه على مر الأزمان

لك ينحني بالحب قلبي ويفخر

الود لأهل الود لو كان ما كان

ღ♥ღ

مابقى في عيوني الا دمعتين

لو يجفن كيف انا ببكي عليك

الفراق اللي ذبحنا من سنين

مايبي يرحل او يرسلني اليك

والعمر يمضي وعذبني الحنين

ساكن بعيني وما اقدر اجيك

اسمع الآهات في قلبي الحزين

واسمع جروح الزمن

تسأل عليك !!؟

ღ♥ღ

خلك مع اللي تحبه لو تباطيته

واضحك لدنياك مهما الحظ حاربها
عذبات الأرواح فرق الحي عن ميته

وصروف الأقدار رب الكون كاتبها

لاتشكي الهم للي بيوم مريته

واصبر ولو نامت الدمعه بحاجبها

ღ♥ღ

إبتسم لون المسا منك وعرفتك

جيت مثل البدر في صدر الليالي ..

ايه شفت الحب بعيونك وشفتك

وأذكر انك جيت ضيف ورحت غالي ..

وأذكرك مثل الورود ولا قطفتك

وأذكر ان المر دونك وانت حالي ..

واتخيل كل ما مني وصفتك

كيف أخذت الملح كله وانت حالي ..

ღ♥ღ

الا ياليتني وردة وتلمسني كفوف الزين

واحس بناعم الابهام يحركني يمين يسار

جنون العشق في خده وفي زينه يزين الشين

واذا اقبل ملاك الأرض يزيد بحسنه الإبهار

عطاه الخالق البارئ جمال ماخلق للحين

انا كلي فدا روحه عساني ماافقده وانهار